Ein Partneriaethau
Cofrestrwch ar gyfer Her GetFit Eisteddfod Cwm Taf Morgannwg 2024 – trowch eich ymweliad â’r ŵyl yn antur gyffrous!
Sut i gymryd rhan
Cam 1: Cofrestru
Cofrestrwch ar getfit.wales neu ewch i'n stondin Eisteddfod CTM.
Bydd angen ffôn symudol arnoch i gymryd rhan.
Bydd cydweithwyr o Get Fit Wales a Chwm Taf Morgannwg wrth law i’ch helpu i gychwyn arni ac i ateb unrhyw gwestiynau.
Cam 2: Archwilio
Edrychwch ar fap yr Eisteddfod yn eich cyfrif Getfit.Wales
Cerdded ac ymweld â phob parth yn yr ŵyl. Bydd eich GPS yn tracio eich cynnydd ac yn troi’r parthau’n wyrdd ar y map ar wefan Getfit.wales.
Cam 3: Cwblhau
Ymweld â holl barthau’r Eisteddfod i orffen yr her a chael eich cynnwys mewn raffl ddyddiol. Byddwn yn cyhoeddi’r enillwyr am 4pm bob dydd drwy ddewis ar hap a byddwch yn derbyn neges drwy ap Get Fit Wales os ydych wedi ennill gwobr. Casglwch eich gwobr o stondin Cwm Taf Morgannwg. Os ydych chi eisoes wedi gadael y safle ac wedi ennill un o'r Fitbits, bydd Get Fit Wales yn gwneud trefniadau i gael eich gwobr i chi.
Gwobrau
Cwblhewch yr her i gael siawns o ennill y brif wobr – un o saith Fitbits! (Un wobr y dydd.) Mae yna hefyd 80 o boteli dŵr Gwasanaeth Gwella Lles (WISE) CTM ar gyfer y rhai a ddaeth yn ail.
Bydd pawb sy’n ymuno â’r her yn derbyn sticer Get Fit Wales.
Rheolau'r her
Cafodd yr her ei gynllunio i fod yn hwyl ac i helpu pobl i fod yn actif, ond rydym am wneud yn siŵr ei bod yn deg i bawb felly rydym wedi creu ychydig o reolau am yr her.
Dim ond unwaith y gall pob cyfranogwr ennill y brif wobr (Fitbit). Os ydych eisoes wedi ennill y Fitbit mewn diwrnod blaenorol, ni fyddwch yn gymwys i'w hennill eto. Bydd enillwyr dilynol yn derbyn yr ail wobr (potel ddŵr).
Hoffai’r bwrdd iechyd ddiolch i Get Fit Wales am ei gefnogaeth partneriaeth gyda'r her lles corfforol cyffrous hon.
Darllenwch bolisi preifatrwydd Get Fit Wales .
Rhoi Organ
Mae Cwm Taf Morgannwg yn falch iawn o fod yn bartner gyda thîm Gwaed a Thrawsblaniadau’r GIG yn yr Eisteddfod eleni yn Rhondda Cynon Taf.
Bydd tîm Gwaed a Thrawsblaniadau’r GIG ar stondin Cwm Taf Morgannwg ddydd Llun, 5 Awst, fel rhan o raglen Eisteddfod ein bwrdd iechyd. Bydd y tîm wrth law i egluro pwysigrwydd sicrhau bod teulu ac anwyliaid yn gwybod eich dymuniadau o ran rhoi organau.
Bydd tîm Gwaed a Thrawsblaniadau’r GIG hefyd ar gael drwy gydol yr wythnos yn y pentref Gwyddoniaeth a Thechnoleg.
Os oes gennych unrhyw gwestiynau am roi organau, fel…
Beth yw rhoi organau?
Pwy all roi?
Sut alla i gofrestru?
…ymwelwch â stondin Cwm Taf Morgannwg i ddarganfod mwy.
Cwm Taf People First
Rydym wrth ein bodd ein bod wedi gweithio gydag aelodau Cwm Taf People First sydd wedi ein helpu i lunio fersiwn hawdd ei darllen o’n rhaglen Eisteddfod.
Mae Cwm Taf People First yn elusen sy’n cael ei rhedeg gan ac ar gyfer pobl ag anableddau dysgu sy’n byw yn ardaloedd Rhondda Cynon Taf, Merthyr, Blaenau Gwent a Thorfaen. Eu nod yw grymuso aelodau i herio rhagfarn a gwahaniaethu trwy hyfforddiant, addysg a chefnogaeth.
Gallwch weld copi digidol o’r fersiwn hawdd ei ddarllen neu gasglu copi papur o’n stondin yn ystod yr Eisteddfod.
Gweithio gyda ni i wella ein hagwedd Gymraeg tuag at asesiadau i gleifion - gofynnwch am y cyfleoedd ar ein stondin
Mae tîm Gofal Iechyd sy’n Seiliedig ar Werthoedd CTM yn cydweithio â CEDAR i sicrhau bod Mesurau Canlyniadau a Adroddir gan Gleifion (PROMs) yn cael eu cyfieithu'n gywir i'r Gyrmaeg. Mae'r bartneriaeth hon yn hanfodol oherwydd bod PROMs yn arfau hanfodol ar gyfer deall symptomau cleifion ac ansawdd bywyd, sydd yn ei dro yn helpu i wella gwasanaethau gofal iechyd. Trwy weithio gyda CEDAR, mae’r tîm Gofal Iechyd sy’n Seiliedig ar Werthoedd yn sicrhau bod cleifion sy’n siarad Cymraeg yn gallu cymryd rhan yn effeithiol mewn PROMs, gan ddarparu adborth gwerthfawr sy’n llywio ac yn gwella’r gofal rydyn nhw’n derbyn.
Gofynnwch yn ein stondin yn yr Eisteddfod sut y gallwch chi gymryd rhan.