Hysbysiad Preifatrwydd (Promptly Health)

Mae'r hysbysiad preifatrwydd hwn yn dweud wrthych beth i'w ddisgwyl pan fydd eich gwybodaeth yn cael ei phrosesu ar y platfform 'Promptly Health'. Gallwch gysylltu â’r adran yn:

Yr Hyb, Uned 2, Gwaun Elai, Ynysmaerdy, Llantrisant, Rhondda Cynon Taf, CF72 8XL
E-bost: ctm.vbhc@wales.nhs.uk

Pam y gallwn brosesu eich gwybodaeth?: Rydym yn gyfreithiol yn gallu prosesu eich gwybodaeth bersonol o dan Erthygl 6 o’r Rheoliad Diogelu Data Cyffredinol (GDPR) gan fod y prosesu yn angenrheidiol er mwyn i ni gyflawni ein swyddogaethau swyddogol fel corff GIG. Bydd adegau pan fyddwn yn dibynnu ar seiliau cyfreithlon eraill fel pan fydd angen y prosesu er mwyn i ni gydymffurfio â’r gyfraith.
Rydym yn gyfreithiol yn gallu prosesu gwybodaeth categori arbennig o dan Erthygl 9 o’r GDPR gan fod y prosesu yn angenrheidiol at ddibenion rheoli systemau a gwasanaethau iechyd neu ofal cymdeithasol neu’n angenrheidiol at ddibenion cyflawni rhwymedigaethau ym maes cyflogaeth a gyfraith nawdd cymdeithasol a diogelu cymdeithasol.

At ba ddiben yr ydym yn ei brosesu?: Mae’r wybodaeth sy’n cael ei phrosesu ar y platfform hwn yn ymwneud â chasglu a defnyddio Asesiadau Iechyd Digidol neu ba Fesurau Canlyniad a Adroddir gan Gleifion (PROMS) sy’n un math o asesiad iechyd digidol.
Bydd yr Asesiad Iechyd Digidol yn gofyn cwestiynau i chi am eich bywyd bob dydd, symptomau presennol a sut mae'n effeithio ar ansawdd eich bywyd. Bydd y wybodaeth sy'n cael ei gasglu yn yr asesiad hwn yn cael ei hadolygu gan eich clinigwr arbenigol er mwyn deall beth sy'n effeithio fwyaf arnoch a'i alluogi i wneud penderfyniadau gwybodus ynghylch eich triniaeth.
Bydd y wybodaeth a roddwch yn cael ei defnyddio i helpu eich clinigwr i ddeall yn fwy manwl sut rydych chi'n teimlo, i helpu i gynllunio'ch triniaeth ac i weld sut rydych chi'n ymateb i'r driniaeth honno.
Mae’n bosibl y bydd gwybodaeth ddienw (lle na ellir eich adnabod) yn cael ei defnyddio yn y dyfodol i helpu’r Bwrdd Iechyd i wella ansawdd y gwasanaethau lleol rydym yn eu darparu i chi ac i gefnogi ymchwil fel prifysgol sy’n ymchwilio i effeithiolrwydd triniaeth.
Efallai y gofynnir i chi gwblhau Asesiad Iechyd Digidol ar adegau amrywiol. Mae hyn yn galluogi eich tîm gofal i gael darlun manwl a chyfredol o'ch ymateb i driniaeth.

Pa mor hir byddwn yn ei storio?: Ni fyddwn yn storio gwybodaeth bersonol am fwy o amser nag sydd ei angen. Bydd gwybodaeth bersonol yn ddienw pan na fydd ei hangen mwyach mewn fformat adnabyddadwy.
Bydd eich gwybodaeth PROMs yn aros ar y llwyfan Promptly Health am gyhyd ag y bydd y Bwrdd Iechyd yn cyfarwyddo Promptly Health i'w chadw. Lle gwneir penderfyniad clinigol o’ch gwybodaeth Asesiad Iechyd Digidol, caiff yr asesiad ei gopïo i’ch cofnod claf, a gaiff ei storio yn unol â chanllawiau cadw’r GIG.

Gyda phwy y byddwn yn rhannu eich gwybodaeth?: Efallai y bydd adegau pan fyddwn yn rhannu eich gwybodaeth ag eraill. Bydd hyn ond yn cael ei wneud lle mae sail gyfreithlon i wneud hynny ac yn unol â’r dibenion a restrir uchod.
Lle bo angen, gallwn rannu eich gwybodaeth â:

Adrannau eraill o fewn y Bwrdd Iechyd;

Gyda sefydliadau GIG eraill neu sefydliadau partner; a

Gyda'r heddlu, cyrff cyhoeddus, cyrff rheoleiddio, gweithwyr cyfreithiol proffesiynol a Swyddfa'r Comisiynydd Gwybodaeth.

Sut gallai gysylltu â'r Swyddog Diogelu Data?: Mae manylion cyswllt y Swyddog Diogelu Data wedi’u hamlinellu isod:
Swyddog Diogelu Data
Bwrdd Iechyd Prifysgol Cwm Taf Morgannwg, Ty Ynysmeurig, Parc Naviagtion, Abercynon, CF45 4SN
Ffôn: 01443 744800 a gofynnwch am y Swyddog Diogelu Data
E-bost: informationgovernancedepartment@wales.nhs.uk

Beth yw eich hawliau mewn perthynas â'ch data personol?

O dan gyfraith diogelu data, mae gennych hawliau y mae angen i ni eich gwneud yn ymwybodol ohonyn nhw. Mae'r hawliau sydd ar gael i chi yn dibynnu ar ein rheswm dros brosesu eich gwybodaeth.

Eich hawl i fynediad - Mae gennych hawl i ofyn i ni am gopïau o'ch gwybodaeth bersonol. Mae'r hawl hon bob amser yn berthnasol. Mae rhai eithriadau, sy'n golygu efallai na fyddwch bob amser yn derbyn yr holl wybodaeth rydym yn ei phrosesu.
Eich hawl i gywiro - Mae gennych hawl i ofyn i ni gywiro gwybodaeth y credwch ei bod yn anghywir. Mae gennych chi hefyd yr hawl i ofyn i ni gwblhau gwybodaeth rydych chi'n meddwl sy'n anghyflawn. Mae'r hawl hon bob amser yn berthnasol.
Eich hawl i ddileu - Mae gennych hawl i ofyn i ni ddileu eich gwybodaeth bersonol mewn rhai amgylchiadau.
Eich hawl i gyfyngu ar brosesu - Mae gennych hawl i ofyn i ni gyfyngu ar brosesu eich gwybodaeth mewn rhai amgylchiadau.
Eich hawl i wrthwynebu prosesu - Mae gennych yr hawl i wrthwynebu prosesu dim ond lle caiff ei brosesu fel rhan o’n tasgau cyhoeddus, neu os yw er ein budd cyfreithlon.
Eich hawl i gludadwyedd data - Mae hyn ond yn berthnasol i wybodaeth yr ydych wedi ei rhoi i ni. Mae gennych hawl i ofyn i ni drosglwyddo’r wybodaeth a roesoch i ni o un sefydliad i’r llall, neu ei rhoi i chi. Mae'r hawl ond yn berthnasol os ydym yn prosesu gwybodaeth yn seiliedig ar eich caniatâd neu o dan gontract, neu mewn sgyrsiau am ymrwymo i gontract a bod y prosesu yn awtomataidd.

Nid yw'n ofynnol i chi dalu unrhyw dâl am arfer eich hawliau. Mae gennym fis i ymateb i chi.
Mae gennych hefyd yr hawl i gyflwyno cwyn i awdurdod goruchwylio os ydych yn anhapus ynghylch sut y caiff eich data ei brosesu.
Yn y DU, yr awdurdod goruchwyliol yw Swyddfa’r Comisiynydd Gwybodaeth a cheir ei manylion cyswllt isod:
Swyddfa'r Comisiynydd Gwybodaeth - Cymru
Yr Ail Lawr, Tŷ Churchill, Ffordd Churchill, Caerdydd, CF10 2HH
Ffôn: 0330 414 6421

Ar-lein/sgwrs-byw: Offeryn Cwynion Diogelu Data a Gwybodaeth Bersonol
Llinell gymorth: 0303 123 1113
Mae canllawiau pellach ar sut i arfer eich hawliau ar gael ar wefan yr ICO.