Dyma hysbysiad y bydd cyfarfod o Fwrdd Iechyd Prifysgol Cwm Taf Morgannwg yn cael ei gynnal ar Ddydd Iau 25 Gorffennaf 2024 am 9:00yb yn Ystafell Gynhadledd 1, Coleg y Cymoedd, Campws Nantgarw, Heol y Coleg. Parc Nantgarw, Nantgarw, CF15 7QY. Bydd cyfarfodydd y Bwrdd Iechyd yn cael eu cynnal yn gyhoeddus ac felly mae croeso i aelodau’r cyhoedd fynychu’n wyneb yn wyneb i arsylwi’r cyfarfod.
Bydd cyfarfod y Bwrdd hefyd yn cael ei recordio a’i uwchlwytho i’n gwefan cyn gynted â phosibl ar ôl y cyfarfod.
Os hoffech ragor o wybodaeth neu os oes gennych ddiddordeb mewn arsylwi ein cyfarfod bwrdd cyhoeddus yn wyneb yn wyneb, gofynnwn i chi gofrestru eich diddordeb ymlaen llaw drwy gysylltu â ni ar CTM_Corporate_Governance@wales.nhs.uk.
Os hoffech arsylwi unrhyw gyfarfod Bwrdd a bod angen cyfieithu ar y pryd yn y Gymraeg neu Iaith Arwyddion Prydain, cysylltwch â CTM_Corporate_Governance@wales.nhs.uk a byddwn yn ymdrechu i ddarparu'r gwasanaeth hwn.
Gan y bydd y Bwrdd Iechyd yn 'cyfarfod yn gyhoeddus', mae'n bwysig nodi nad yw hyn gyfarfod i'r cyhoedd. Mewn cyfarfod i’r cyhoedd, gellir gofyn cwestiynau yn ystod y cyfarfod, tra bod cwestiynau’n cael eu cymryd ar ôl cwblhau’r gwaith o ystyried yr holl eitemau ar yr agenda yn ystod cyfarfod cyhoeddus.
I'r perwyl hwn, rydym yn darparu cwestiynau ymlaen llaw hyd at dri diwrnod gwaith cyn y cyfarfod, er mwyn caniatáu i ymatebion cywir gael eu darparu mewn modd amserol. Anfonwch unrhyw gwestiynau sy’n ymwneud ag eitemau ar yr agenda atom drwy e-bost at: CTM_Corporate_Governance@wales.nhs.uk. Bydd y cwestiynau yn cael eu hateb ar ddiwedd y cyfarfod.
Gall y Cadeirydd ddefnyddio ei ddisgresiwn wrth benderfynu a ddylid derbyn cwestiynau sy'n codi gan y cyhoedd ar ddiwrnod y cyfarfod. O dan yr amgylchiadau hyn, mae’r Bwrdd yn cadw’r hawl i ohirio darparu ymateb er mwyn caniatáu digon o amser ar gyfer gwirio a chywirdeb, fel arfer o fewn 7 diwrnod gwaith.
Gellir dod o hyd i’r agenda a’r papurau ar gyfer pob cyfarfod yma Papurau’r Bwrdd 2024 - Bwrdd Iechyd Prifysgol Cwm Taf Morgannwg 7 diwrnod cyn y cyfarfod.
Rydym yn ymwybodol nad yw’r dogfennau sydd wedi’u cynnwys yn y maes hwn yn cydymffurfio â’r Safonau Hygyrchedd Digidol. Os hoffech gael mynediad i fformat arall, cysylltwch â ni yn CTM_Corporate_Governance@wales.nhs.uk. Gallwch ddarllen ein datganiad hygyrchedd digidol yma;