Ystafell brofedigaeth newydd yn agor yn Ysbyty'r Tywysog Charles

Mae ystafell brofedigaeth/teulu newydd sbon wedi agor, yn agos at Ward y Plant yn Ysbyty'r Tywysog Siarl, diolch i gyllid gan elusen profedigaeth 2Wish.

Bydd yr ystafell yn cael ei defnyddio gan rieni a theuluoedd sydd wedi cael eu dryllio gan golli plentyn, neu gan deuluoedd sy'n derbyn newyddion anodd.

Dywedodd Emma Probert Rheolwr Ward Pediatrig: "Mae'r ystafell hon mor bwysig i deuluoedd sydd angen preifatrwydd ar yr adegau mwyaf trasig a lle nad yw eistedd mewn ystafell gydag eraill yn briodol ac yn sensitif. Mae'r ystafell newydd wych hon wedi'i lleoli i ffwrdd o'r amgylchedd ward clinigol, gan roi'r heddwch sydd ei angen ar deuluoedd."

Dywedodd Rhian Mannings MBE, sylfaenydd 2Wish: "Mae angen i deuluoedd sy'n wynebu cyfnod anodd allu eistedd gyda'i gilydd mewn amgylchedd anghlinigol gyda mynediad at yr anwylyn sydd wedi marw. Drwy gydweithio gyda'n rhoddwyr a'n cefnogwyr, staff yn Ysbyty'r Tywysog Charles a'n teuluoedd, rydym wedi creu lle y gwyddom y bydd yn helpu cymaint."

22/07/2024