Ymunwch â CTM i ddathlu Diwrnod Rhyngwladol y Nyrsys 2025
Heddiw (dydd Llun 12 Mai), mae BIP Cwm Taf Morgannwg yn ymuno â'r dathliadau byd-eang i nodi Diwrnod Rhyngwladol y Nyrsys, a thema eleni yw "Mae gofalu am nyrsys yn cryfhau economïau".
Mae Diwrnod Rhyngwladol y Nyrsys yn gyfle i gydnabod gwaith, ymroddiad a sgiliau anhygoel nyrsys a Gweithwyr Cymorth Gofal Iechyd ledled y byd.
Rydym yn hynod falch o’n timau nyrsio a bydwreigiaeth amrywiol yn CTM, ac yn gwerthfawrogi popeth y maen nhw’n ei wneud dros ein cleifion a’n cymunedau, bob dydd, yn ein hysbytai ac ar draws cymunedau.
Dros y flwyddyn ddiwethaf, mae nyrsys BIP Cwm Taf Morgannwg wedi bod yn gweithio’n ddiflino i ddarparu’r gofal iechyd gorau posibl i aelodau ein cymuned, ac fel bwrdd iechyd, rydym wedi bod yn falch iawn o weld llawer o’n staff nyrsio yn cael eu cydnabod am eu cyflawniadau.
Dywedodd Greg Dix, Cyfarwyddwr Gweithredol Nyrsio, Bydwreigiaeth a Gofal Cleifion: “Hoffwn ddymuno Diwrnod Rhyngwladol y Nyrsys hapus iawn i’n holl nyrsys a gweithwyr cymorth gofal iechyd gwych sy’n gweithio ar draws ein safleoedd acíwt a chymunedol. Mae'r dathliad hwn yn gyfle anhygoel i gydnabod gwaith, ymrwymiad ac ymroddiad rhagorol ein timau nyrsio ar draws ein bwrdd iechyd i ofalu am ein cleifion, a'u teuluoedd, bob dydd.”
Dyma gip yn ôl ar rai o’n huchafbwyntiau o 2024/2025:
Enillodd Sarah Parry, Nyrs Iechyd Cyhoeddus Arbenigol yn y Gymuned (SCPHN)/Ymwelydd Iechyd y lle cyntaf ar gyfer ei chyflwyniad llafar yng Nghynhadledd Ymchwil a Datblygu CTM 2024
Anrhydeddwyd Mandie Welch (Nyrs Arbenigol Methiant y Galon) o CTM â Gwobr Genedlaethol “Pumping Marvellous Foundation”
Claire Norman (Uwch-nyrs Gwasanaethau Arbenigol) o Gwm Taf Morgannwg yn cael Teitl Nyrs y Frenhines mawreddog
Mae Victoria Hughes a Corinna McNeil yn ddwy Nyrs Arbenigol sydd wedi bod yn cefnogi ac yn hyrwyddo rhoi organau.
Creodd Lowri Impey waith celf tanddwr gan ddefnyddio plastig wedi'i ailgylchu
Anrhydeddwyd Lloyd Griffiths (Pennaeth Nyrsio Iechyd Meddwl) a Deborah Matthews (Pennaeth Nyrsio) gyda gwahoddiad i Barti Gardd Brenhinol ym Mhalas Buckingham.
Cafodd Tîm Nyrsio Ardal y Gogledd Bwrdd Iechyd Prifysgol Cwm Taf Morgannwg ei enwi yn rownd derfynol Gwobrau Student Nursing Times 2024.
Diolch yn fawr iawn, a llongyfarchiadau unwaith eto, i'n holl nyrsys a Gweithwyr Cymorth Gofal Iechyd gwych.
Cydweithrediad Parkrun arbennig – Dydd Sadwrn 17 Mai
Rydym yn falch o gyhoeddi cydweithrediad cyffrous rhwng BIPCTM a Parkrun ddydd Sadwrn, Mai 17, wrth i ni ymuno gyda'n gilydd i ddathlu'r nyrsys, gweithwyr cymorth gofal iechyd a bydwragedd anhygoel sy'n gofalu am ein cymunedau bob dydd.
Bydd nifer o Parkruns/teithiau cerdded lleol ar draws y rhanbarth yn cysegru eu digwyddiadau ddydd Sadwrn 17 Mai i anrhydeddu’r gweithwyr proffesiynol ymroddedig hyn. Bydd y rhain yn cynnwys:
Gadewch i ni ddod at ein gilydd i ddangos ein gwerthfawrogiad a'n cefnogaeth mewn ffordd fywiog, egnïol!
Rhannwch eich gwerthfawrogiad
Os oes nyrs arbennig neu weithiwr cymorth gofal iechyd wedi gofalu amdanoch chi neu'ch anwyliaid, a hoffech chi ddweud diolch wrthyn nhw heddiw, anfonwch neges atom ar ein tudalen Facebook i rannu eich gwerthfawrogiad.
12/05/2025