Mae BIPCTM yn enwi ystafell theatr newydd ar ôl yr Athro P N Haray

Y mis hwn, croesawodd staff Ysbyty’r Tywysog Siarl gydweithwyr a gwesteion i ymuno â nhw mewn seremoni i gysegru’r ystafell theatr newydd ei chwblhau er cof am y diweddar Athro Haray, ar beth a fyddai wedi bod yn ben-blwydd iddo.

Daeth yr Athro Haray, a fu farw yn anffodus yn 2023, yn ymgynghorydd yn Ysbyty'r Tywysog Siarl ym 1996. Am 27 mlynedd, elwodd yr ysbyty, y boblogaeth leol a'r gymuned lawfeddygol ehangach o fewn CTM, ledled Cymru a thu hwnt, o'i angerdd, ei arloesedd a'i ysbryd arloesol.

Neilltuodd ei fywyd i ofal iechyd, ac roedd yn ymroddedig i'w rôl fel Athro Gwadd Coloproctoleg ym Mhrifysgol De Cymru a chefnogi addysg eraill. Mae ei hyfforddiant wedi cefnogi a bod o fudd i lawer o lawfeddygon y colon a'r rhefr ledled y DU, ac mae’r gwelliant canlyniadol i ofal cleifion yn rhan o’i etifeddiaeth.

Yn ystod y blynyddoedd ers i’r Athro Haray ddod yn ymgynghorydd yn Ysbyty’r Tywysog Siarl, mae’r boblogaeth leol, a chymuned lawfeddygol ehangach ein Bwrdd Iechyd, a Chymru, wedi elwa cymaint o’i waith arloesol a’i angerdd dros hybu ffyrdd newydd o weithio.

Roedd addysg eraill yn ei broffesiwn yn rhan hanfodol o ethos yr Athro Haray, ac roedd yn ymroddedig i'w rôl fel Athro Gwadd Coloproctoleg ym Mhrifysgol De Cymru. Mae’r budd ehangach y mae ei hyfforddiant wedi’i roi i gynifer o lawfeddygon y colon a’r rhefr ledled y DU ac mae’r gwelliant canlyniadol i ofal cleifion yn rhan o’i etifeddiaeth.

Yn ystod ei yrfa, derbyniodd yr Athro Haray wobrau di-rif, gan gynnwys gwobr PEN 2010 UK yn dangos mai gwella gofal cleifion oedd ei flaenoriaeth gyntaf erioed.

Yn ei gyfnod fel Dirprwy Swyddog Cyfrifol yn CTM, sefydlodd yr Athro Haray strwythur cadarn a chefnogol, gan sicrhau bod ein holl feddygon yn gwybod beth a ddisgwylir ganddyn nhw, yn ogystal â phroses i gefnogi ac annog cydymffurfiaeth. Roedd hon yn un o nifer o rolau uwch yr oedd yr Athro Haray yn eu dal yn ein bwrdd iechyd, gan gynnwys Cyfarwyddwr Gwasanaethau Canser, Cyfarwyddwr Meddygol Cynorthwyol ar gyfer Addysg a Cyfarwyddwr Clinigol ar gyfer Gwasanaethau Llawfeddygol.

Dywedodd Dom Hurford, Cyfarwyddwr Meddygol Gweithredol BIP Cwm Taf Morgannwg: “Fyddwn ni byth yn gallu gwerthfawrogi’r effaith lawn a gafodd yr Athro Haray ar ein bwrdd iechyd a thu hwnt, a bydd ei etifeddiaeth gyda ni bob amser. Bob hyn a hyn mae cydweithiwr eithriadol yn dod ymlaen ac roedd Haray yn bendant yn un ohonyn nhw.

“Mae’n dyst enfawr i’r Athro Haray bod dros 120 o bobl wedi mynychu’r seremoni enwi, a bod cymaint o bobl wedi mynegi eu tristwch am ei farwolaeth dros y ddwy flynedd ddiwethaf. Roedd yr effaith a gafodd yn sylweddol, o fewn a thu allan i’n sefydliad.”

18/06/2025