Digwyddiad Graddio Kick-Start CTM

Heddiw (Gorffennaf 18) rydym yn falch iawn o fod yn dathlu digwyddiad graddio Kick-Start Bwrdd Iechyd Prifysgol Cwm Taf Morgannwg.

Rydym wedi cael diwrnod gwych yn dathlu gyda'n cic-ddechreuwyr yn 2021. Mae'r cynllun 'Kick-start' a ariennir gan y Llywodraeth yn cefnogi pobl ifanc i ddatblygu sgiliau trosglwyddadwy a chynyddu eu cyfleoedd ar gyfer cyflogaeth barhaus.

Mewn partneriaeth â'r Adran Gwaith a Phensiynau, nododd y cynllun swyddi addas ar gyfer 25 o bobl ifanc rhwng 18 a 24 oed, sy'n byw mewn cymunedau lleol yng Nghwm Taf Morgannwg.  Mae ein Cic-ddechreuwyr CTM wedi gweithio 25 awr yr wythnos, dros leoliad chwe mis wedi'i ariannu'n llawn, gan gefnogi nifer o dimau ac adrannau gan gynnwys:

• Cyfleusterau;

• Arloesi a Gwella;

• Iechyd Meddwl a Lles;

• Dysgu a Datblygu;

• TG; a

• Ein Hadrannau Achosion Brys.

Croesawodd y graddio, a gynhaliwyd yng Ngholeg y Cymoedd (Campws Nantgarw), ein Cic-ddechreuwyr, eu teuluoedd, eu ffrindiau a'n rheolwyr llinell i'r digwyddiad.  Dywedodd Paul Mears, Prif Weithredwr CTMUHB: "Oherwydd amgylchiadau annisgwyl, nid oeddwn yn gallu bod yn bresennol yn y digwyddiad heddiw ac rwy'n siomedig iawn nad oeddwn yn gallu cwrdd â'r Cic-ddechreuwyr.  Maent i gyd wedi gweithio'n galed iawn drwy rai o'r cyfnod anoddaf y mae'r GIG wedi'i weld, ac wedi bod yn gaffaeliad i'n Bwrdd Iechyd.  Rwy'n falch iawn bod rhai o'r graddedigion yn aros gyda ni yn y Bwrdd Iechyd mewn cyflogaeth amser llawn."

Dywedodd un o'r bobl ifanc ar y cynllun Kick-start sydd hefyd wedi cael gwaith yn CTM Adrienne Davies: "Mae fy mhrofiad gyda Kick-start wedi bod yn ddymunol iawn. Yr wyf wedi cwrdd ag unigolion anhygoel ac wedi dysgu llawer am yr ysbyty a'r GIG. Cefais lawer o gefnogaeth o ddechrau fy nhaith Kick-start hyd at y diwedd - os oeddwn i angen unrhyw beth roedd rhywun bob amser i'm cefnogi."

Ychwanegodd Hywel Daniel, Cyfarwyddwr Gweithredol Pobl CTMUHB: "Mae'n wych bod yma heddiw yn dathlu graddio'r Kick-starters.  Mae'r bartneriaeth rydym wedi'i hadeiladu gyda'r Adran Gwaith a Phensiynau, Coleg y Cymoedd a Hyfforddiant Tudful wedi ein galluogi fel sefydliad i gynnig cyfle i bobl ifanc yn ein cymunedau lleol ennill y sgiliau a'r profiad sydd eu hangen i gael gwaith llawn amser.  Llongyfarchiadau enfawr i'n holl gic-ddechreuwyr sy'n graddio heddiw!" 

Dywedodd Rhiannon Richards, Cynghorydd Cyflogwyr o'r Adran Gwaith a Phensiynau: "Mae'n wych bod y Bwrdd Iechyd wedi cynnal digwyddiad graddio i'r Cic-ddechreuwyr i gydnabod eu cyflawniadau.  Mae mor werth chweil bod yma heddiw ac rwy'n falch o weld y bobl ifanc y cyfarfûm â hwy ar ddechrau'r cynllun yn gorffen ac yn graddio."