Camau Gweithredu Diwydiannol Cynlluniedig Ymwelwyr Iechyd BIP CTM

Efallai eich bod yn ymwybodol bod rhai Ymwelwyr Iechyd yn ardal Bwrdd Iechyd CTM yn cymryd camau gweithredu diwydiannol dros y 4 wythnos nesaf (23 Chwefror i 20 Mawrth 2026).

Ein blaenoriaeth yn ystod y cyfnod hwn yw diogelwch a hygyrchedd y gwasanaethau sy’n cael eu darparu i chi a'ch teulu ac rydym yn gweithio'n galed i leihau'r effaith a gewch. Fodd bynnag, er mwyn cadw gwasanaethau'n ddiogel a sicrhau y gallwn gefnogi teuluoedd ag anghenion mwy cymhleth a brys, mae'n rhaid i ni gyfyngu ar rai gweithgareddau, gan gynnwys apwyntiadau arferol sydd eisoes wedi'u canslo.

Lle nad yw'r bwrdd iechyd wedi cysylltu â chi i ganslo apwyntiadau, nodwch fod disgwyl i'r rhain ddigwydd fel yr arfer. Os ydych yn ansicr a yw sesiynau galw heibio grŵp wedi'u canslo, cysylltwch â ni (gweler isod).

Oherwydd y gallai dulliau cysylltu arferol gael eu tarfu, rydym wedi sefydlu un pwynt mynediad y byddem yn gofyn yn garedig i chi ei ddefnyddio fel y brif ffordd i gysylltu â'r gwasanaeth Ymwelwyr Iechyd. Fe welwch y manylion isod:

Ffôn 01443 803930 neu CTM.SPOAHealthVisiting@wales.nhs.uk

Ein nod yw ymateb i bob ymholiad o fewn dwy awr.

Mae gwefan hefyd a allai fod yn ddefnyddiol i chi: Ymweliadau Iechyd Plant

Cofiwch, os yw'ch babi neu'ch plentyn yn sâl ac rydych chi’n bryderus, dylech gysylltu â'ch meddyg teulu neu 111 fel y byddech fel arfer.

Mae'n ddrwg iawn gennym am yr aflonyddwch ac unrhyw bryder a achosir gan y mater hwn. Byddwch yn dawel eich meddwl y byddwn yn parhau i weithio'n galed i leihau graddau’r aflonyddwch.

20/02/2026