Dywedodd Zoe Shields, Tiwtor yng Ngholeg Pen-y-bont ar Ogwr: 

“Mae Jess yn intern nodedig yn rhaglen Project SEARCH yn Ysbyty Tywysoges Cymru ac mae wedi gwneud camau anhygoel yn ystod ei chyfnod yn yr Interniaeth, gan arddangos ei hymroddiad, ei thwf, a’i heffaith gadarnhaol ar y tîm y mae’n gweithio gyda nhw. 

Mae Jess wedi meistroli amrywiaeth o dasgau gan addasu'n gyflym i ofynion y rôl. Mae ei gallu i ddysgu a chymhwyso sgiliau newydd wedi bod yn eithriadol, ac mae wedi gwneud cynnydd rhagorol tuag at gyflawni ei thargedau personol. Drwy gofleidio Gwerth CTM 'Rydym yn gwrando, yn dysgu ac yn gwella' yn llawn, mae Jess wedi dangos ymrwymiad cryf i ddatblygiad proffesiynol a phersonol. 

Mae taith Jess o hunan-fyfyrio a thwf wedi bod yn drawiadol. Yn y dosbarth, mae hi wedi gosod targedau dyddiol, gan ymdrechu'n gyson i wella ac adeiladu ar ei gwybodaeth. Mae'r ymagwedd ragweithiol hon wedi chwarae rhan allweddol yn ei dysgu llwyddiannus o dasgau newydd o fewn yr adran. Mae pawb wedi sylwi ar ymroddiad Jess, ac mae wedi derbyn adborth rhagorol am ei hagwedd gadarnhaol a'i pherfformiad gwaith gan gydweithwyr a goruchwylwyr.  

Roedd ei gallu i fentro yn amlwg iawn pan arweiniodd Gyfarfod Cynllunio Cyflogaeth diddorol, sy’n dyst i’w sgiliau arwain a’i hyder cynyddol. Mae adborth gan ei hadran wedi bod yn ddisglair yn gyson, gyda sylwadau’n amlygu ei hymdrech a’i gwaith tîm. 

Yn ogystal â’i chyflawniadau proffesiynol, mae Jess hefyd wedi manteisio ar y cyfle i gymhwyso’r sgiliau Cymraeg a ddysgodd yn y sesiwn ‘Cymraeg yn y Gweithle’ yn ddiweddar, gan ymgorffori ymadroddion Cymraeg yn hyderus yn ei sgyrsiau gyda chydweithwyr. Da iawn, Jess! 

Mae taith Jess gyda Project SEARCH yn enghraifft berffaith o sut y gall ymroddiad, hunan-fyfyrio, a chefnogaeth arwain at dwf personol a phroffesiynol rhyfeddol. Mae ei gallu i feistroli tasgau, cofleidio adborth, a gweithio fel rhan o dîm cydlynol yn dangos ei chyfraniad gwerthfawr i CTM.”