Os oes gennych dymheredd neu beswch, dilynwch y canllawiau cyfredol sydd ar gael yma: Canllawiau i bobl sydd â haint anadlol, gan gynnwys COVID-19 | LLYWODRAETH CYMRU (safle allanol)
Fel arfer rheolir y ffliw trwy orffwys gartref, cadw’n gynnes ac yfed digon o ddŵr. Gallwch gymryd paracetamol (dilynwch y cyngor yn y pecyn a pheidiwch â chymryd mwy na'r dos a argymhellir), i ostwng tymheredd uchel a lleddfu poenau os oes angen.
Fodd bynnag, os ydych mewn grŵp risg uchel dylech siarad â'ch meddygfa neu fferyllfa gymunedol ar unwaith os ydych yn meddwl y gallai fod gennych y ffliw, oherwydd efallai y byddant yn argymell cwrs o feddyginiaethau gwrthfeirysol.
Er mwyn helpu i atal y ffliw a feirysau eraill rhag lledaenu, cofiwch:
Defnyddiwch hances bapur pan fyddwch chi'n tisian neu'n peswch.
Rhowch yr hances bapur yn y bin cyn gynted â phosibl.
Golchwch eich dwylo neu defnyddiwch hylif diheintio dwylo.