AWGRYMIADAU GORAU I ATAL DADGYFLYRU

Bwyta - Cysgu - Symud - Ailadrodd

Bwyta:  

• Bwytewch ddeiet amrywiol a chytbwys. 

• Os gallwch chi, bwytewch eich prydau bwyd yn eistedd yn y gadair.  

•   Cliriwch eich bwrdd, agorwch ffenestr os yn bosibl, a golchwch eich dwylo.  

•  Gofynnwch i ymwelwyr ddod â byrbrydau i mewn os ydyn nhw'n fodlon  

•   Dywedwch wrthym os oes angen help arnoch neu os oes gennych unrhyw alergeddau neu ddewisiadau deietegol, neu anghenion o ran gwead bwyd. 

•   Dywedwch wrthym a ydych chi'n defnyddio cyllyll a ffyrc neu gwpanau gwahanol. Gallwn ni gael rhai i chi eu defnyddio. 

Cwsg:  

•   Cadwch at eich trefn gysgu gystal ag y gallwch.  

•  Dylech osgoi dyfeisiau electroneg a symbylyddion fel caffein cyn mynd i'r gwely.  

•  Rhowch gynnig ar fyfyrdod neu gerddoriaeth cyn cysgu.  

• Defnyddiwch blygiau clust. 

•   Diffoddwch y golau wrth ochr y gwely.  

•  Symudwch yn rheolaidd yn ystod y dydd a bwyta deiet iach.  

•  Siaradwch â'ch meddyg neu nyrs am broblemau cysgu 

Symud:  

•  Rhannwch eich trefn ddyddiol gyda ni 

• Os ydych chi'n gallu, golchwch yn yr ystafell ymolchi a gwisgwch eich dillad eich hun. 

• Os ydych chi’n gallu, sefwch a cherddwch o amgylch y ward neu i'r toiled. 

• Defnyddiwch deledu'r cleifion / neu ewch i'r ystafell ddydd os yw ar gael ar y ward 

• Gwnewch symudiadau yn y gadair neu'r gwely (gweler enghreifftiau ar dudalen 10). 

• Gofynnwch i ymwelwyr ddod ag eitemau o'r cartref: sbectol, cymhorthion clyw, esgidiau, pethau ymolchi 

• Cadwch eich meddwl yn weithgar trwy ddarllen, siarad ag eraill, gwrando ar gerddoriaeth a gwneud posau.  

Maeth

Bwyta'n dda ac yfed digon o ddŵr 

Mae'n bwysig gwneud yn siŵr eich bod chi'n bwyta’n dda ac yn yfed digon o hylifau i roi egni i chi. Gall bwyta deiet cytbwys ac amrywiol eich helpu i gael yr holl faetholion sydd eu hangen ar eich corff i aros yn gryf ac yn ddiogel ar eich traed. Gall dadhydradu wneud i chi gael pendro, teimlo’n benysgafn ac weithiau'n ddryslyd. 

Dylech osgoi yfed alcohol, gan y gallai ymyrryd â'ch meddyginiaeth ac amharu ar eich cydbwysedd a'ch galluoedd gwybyddol. 

Yfwch 6-8 gwydraid o ddŵr y dydd. Efallai y bydd angen mwy arnoch os ydych chi'n sâl neu os yw'r tywydd yn gynnes 

Os oes gennych chi ddiffyg chwant bwyd neu os ydych chi'n sylwi eich bod chi'n colli pwysau heb geisio, e.e. os ydych chi'n sylwi bod eich dillad yn mynd yn fwy llac, dywedwch wrth aelod o'r tîm sy'n gofalu amdanoch chi, gallant eich cefnogi neu eich cyfeirio at Ddeietegydd os oes angen. Gallwch hefyd ddefnyddio'r offeryn hunan-sgrinio hwn i wirio a oes angen rhywfaint o gymorth ychwanegol arnoch. 

www.malnutritionselfscreening.org/self-screening 

Am ragor o wybodaeth am fwyta deiet cytbwys i helpu i atal cwympiadau ewch i 

www.nhsinform.scot/healthy-living/preventing-falls  

Bwytwch fwydydd sy'n llawn calsiwm. Am ragor o wybodaeth 

www.bda.uk.com/calcium  

Edrychwch ar ôl eich esgyrn 

Gallai esgyrn cryfach wneud unrhyw anaf sydd gennych yn llawer llai difrifol, gwnewch yn siŵr eich bod chi'n cael digon o fitamin D - Mae'n anodd cael digon ohono o ddeiet a golau haul yn unig felly ystyriwch gymryd atchwanegiad 10 microgram. 

Defnyddiwch wiriwr risg i gael gwybod mwy  

www.theros.org.uk/risk-checker  

Ymarfer Corff 

Cadw’n heini 

Wrth i ni fynd yn hŷn, gallwn golli ein cryfder a'n cydbwysedd. Gall ymarferion i wella cryfder cyhyrau leihau eich risg o syrthio.