Cyrraedd Carreg Filltir: Cwblhau'r 1,000fed llawdriniaeth orthopaedig ddewisol yn y ganolfan newydd Ysbyty Tywysoges Cymru

Rydym wedi cyrraedd carreg filltir fawr yn y ganolfan orthopaedig ddewisol newydd yn Ysbyty Tywysoges Cymru, wrth i'r tîm gwblhau’r 1,000fed llawdriniaeth orthopaedig ddewisol ers ailagor ym mis Medi 2025.

Mae dod â phob gofal orthopaedic dewisol o dan un to yn yr ysbyty wedi trawsnewid gofal orthopaedig cynlluniedig ar gyfer cleifion ledled y rhanbarth. Gyda thair theatr arthroplasti benodol at ddefnydd cleifion gofal dewisol yn unig, mae'r gwasanaeth wedi cynyddu capasiti yn fawr tra'n lleihau amserau aros ar gyfer llawdriniaeth.

Gall arbenigwyr orthopaedig yn y ganolfan ganolbwyntio ar ddarparu gofal o ansawdd uchel, gan flaenoriaethu cleifion sydd angen cymal newydd a llawdriniaethau orthopaedig eraill. Trwy wahanu llawdriniaeth ddifrys oddi wrth ofal brys, mae'r model theatr warchodedig yn sicrhau y gall llawdriniaeth fynd yn ei blaen fel y cynlluniwyd, gan leihau achosion o ganslo ac oedi.

O ganlyniad, mae cleifion yn derbyn eu triniaeth yn gyflymach ac yn elwa ar arosiadau byrrach yn yr ysbyty. Mae llwybrau gwella gwell a chymorth symudedd cynnar wedi helpu llawer o gleifion i ddychwelyd adref yn gynt a dechrau eu hadsefydlu.

Cynhaliwyd y 1,000fed llawdriniaeth ar Owen Morgan, 22, o Faesteg. Cafodd Owen ei llawdriniaeth orthopaedig ddewisol yn y ganolfan ac mae eisoes yn gwneud cynnydd da, wedi'i gefnogi gan y tîm arbenigol.

Dywedodd Owen: Alla i ddim diolch ddigon i'r staff am y gofal rwyf wedi ei dderbyn. O'r cyfarfod cyntaf i fy llawdriniaeth a gwella, mae pawb wedi bod mor gefnogol ac yn gysur. Esboniodd y tîm bopeth yn glir ac fe wnaethon nhw fy ngwneud i deimlo'n gwbl gartrefol. Rwy'n wirioneddol ddiolchgar am sut mae popeth wedi mynd mor esmwyth.

Cynhaliwyd y driniaeth gan dîm orthopedig ymroddedig y ganolfan, sy'n cynnwys llawfeddygon, anaesthetyddion, staff theatr, nyrsys, ffisiotherapyddion a therapyddion galwedigaethol yn cydweithio i ddarparu gofal di-dor o'r asesiad cyn y driniaeth hyd at adsefydlu ar ôl llawdriniaeth.

Dywedodd Gethin Hughes, Prif Swyddog Gweithredu Bwrdd Iechyd Prifysgol Cwm Taf Morgannwg:

"Mae cyrraedd ein 1,000fed llawdriniaerg ddewisol yn gyflawniad pwysig i'r tîm cyfan." Mae adleoli'r holl wasanaethau orthopedig dewisol i Ysbyty Tywysoges Cymru wedi ein galluogi i ddiogelu gofal wedi'i gynllunio, lleihau amseroedd aros a gwella canlyniadau i'n cleifion. Rwy'n hynod falch o'r ymrwymiad a'r proffesiynoldeb a ddangoswyd gan bawb a oedd yn rhan o'r gwaith."

Dywedodd Rheolwr y Ward, Claire Pearcy: “Fel tîm staff newydd ei ffurfio, rydym i gyd yn gweld manteision gweithio yn y ffordd symlach newydd hon. Rydym yn gallu darparu cefnogaeth ymroddedig i’n cleifion orthopedig sy’n gwella profiad ein cleifion.”