Cyngor Newydd ar Ymweld wedi'u Cyflwyno ar draws Safleoedd Ysbytai BIPCTM

Mae Bwrdd Iechyd Prifysgol Cwm Taf Morgannwg yn falch o gyflwyno ei gyngor newydd ar ymweld ag ysbytai, a fydd yn dod i rym o ddydd Mercher 1 Ebrill 2026. 

O'r dyddiad hwn ymlaen, bydd croeso i ymwelwyr ymweld â chleifion ar wardiau rhwng 11:00 – 20:00 bob dydd. Gall pob claf dderbyn hyd at ddau ymwelydd fesul ymweliad, a ni ddylai ymweliadau bara mwy na dwy awr, er mwyn cefnogi gorffwys ac adferiad y claf.  Ar adegau gall fod cyfyngiadau oherwydd mesurau atal heintiau. 

 Bydd rhai ardaloedd arbenigedd yn parhau i gael trefniadau ymweld pwrpasol sy'n cefnogi anghenion cleifion a theuluoedd orau. Mae'r ardaloedd hyn yn cynnwys Mamolaeth, Newyddenedigol, Paediatreg, Unedau Gofal Critigol ac Unedau Gofal Lliniarol.  

Mae'r dull wedi'i ddiweddaru hwn yn rhoi mwy o hyblygrwydd i deuluoedd, ffrindiau a gofalwyr ymweld â chleifion wrth gynnal amgylchedd diogel a chefnogol i gleifion. 

Gan gydnabod pa mor bwysig yw hi i gleifion aros mewn cysylltiad â'r bobl sydd bwysicaf iddyn nhw, rydym yn gwybod bod ymweld yn chwarae rhan hanfodol yn lles, cysur ac adferiad cleifion.  

Nod y canllawiau newydd yw gwneud ymweld yn fwy hygyrch ar draws ein safleoedd, gan sicrhau hefyd bod gan gleifion gyfle i orffwys, gwella, bwyta ac yfed yn dda.  

Gall ymweliadau y tu allan i’r oriau hyn gael eu trefnu mewn amgylchiadau arbennig gyda’r rheolwr y ward neu’r Nyrs Wrth y Llyw. 

Fel rhan o'r canllawiau newydd, gofynnwn i ymwelwyr ein helpu i gynnal amgylchedd cadarnhaol i gleifion a staff drwy: 

• Sicrhau hylendid dwylo da 

• Bod yn ymwybodol o amseroedd bwyd gwarchodedig 

• Parchu preifatrwydd a chyfrinachedd 

• Peidio â chymryd lluniau na fideos o fewn ardaloedd clinigol 

• Bod yn garedig i staff, cleifion ac ymwelwyr eraill 

Gellir dod o hyd i fanylion llawn am y canllaw ymweld ag ysbytai wedi'i ddiweddaru drwy ddilyn y ddolen hon.  

01/04/2026