Cau Dros Dro i'r Cyfleuster Parcio a Mynediad i Bont Droed - Ysbyty Brenhinol Morgannwg (6 - 8 Ionawr 2026)

Bydd cau dros dro ar waith, gan effeithio ar sawl bae parcio hygyrch, yn y prif faes parcio yn Ysbyty Brenhinol Morgannwg o 6 - 8 Ionawr i sicrhau bod gwaith hanfodol i gael gwared â choed ger Meithrinfa Building Blocks yn cael ei hwyluso.

Bydd y bont droed ger y feithrinfa hefyd ar gau yn ystod y cyfnod hwn a bydd llwybr ailgyfeirio ar waith i gleifion, staff ac ymwelwyr trwy'r bont droed gyferbyn â phrif fynedfa'r ysbyty.

Bydd rhwystrau yn eu lle i gefnogi'r cau a bydd gweithwyr y maes parcio ar gael i helpu cleifion a staff a chynorthwyo llif trwy'r maes parcio.

Mae nifer fawr o leoedd parcio hygyrch ar gael yn y maes parcio wrth ymyl y platfform hofrennydd, ac ym meysydd parcio eraill y safle.  Rydym wedi sicrhau mai dim ond y nifer angenrheidiol o leoedd sydd wedi cael eu heffeithio yn ystod y cyfnod hwn. 

Diogelwch ymwelwyr â'r safle a'r rhai sy'n gweithio ac yn mynychu Meithrinfa Building Blocks yw'r flaenoriaeth uchaf ac mae'r gwaith hwn yn hanfodol i gael gwared ar unrhyw risg a achosir gan faint y goeden.

Ymddiheurwn am unrhyw anghyfleustra a achoswyd a diolch i chi am eich amynedd a'ch cydweithrediad.

02/01/2026