Cyngor ynglŷn â bwydo ar y fron

Gan fod bwydo ar y fron yn brofiad naturiol, mae llawer o famau newydd yn cymryd y dylen nhw allu gwneud hyn ar unwaith. Mewn gwirionedd, bydd hyn yn hawdd i rai, ond nid i eraill. Mae bwydo ar y fron yn sgìl rydych chi a'ch babi yn ei ddysgu gyda'ch gilydd. Mae’n bosib y bydd hyn yn teimlo ychydig yn lletchwith ar y dechrau, ond peidiwch â phoeni. Bydd eich bydwraig a'ch ymwelydd iechyd yn gallu eich helpu.