Genedigaeth â chymorth
Mae angen ychydig o gymorth yn ystod rhai genedigaethau. Genedigaeth â chymorth yw pan fydd genedigaeth sugno (ventouse) neu efeiliau’n cael eu defnyddio yn ystod camau olaf y geni (pan fyddwch chi’n gwthio) er mwyn helpu i eni'r babi. Yn ystod genedigaeth sugno, bydd dyfais sugno siâp cwpan yn cael ei glynu wrth ben y babi er mwyn helpu gyda’r enedigaeth. Teclynnau metel, llyfn, crwm yw gefeiliau, a bydd y rhain yn cael eu gosod o amgylch pen y babi, hefyd er mwyn helpu gyda’r enedigaeth.
Bydd angen genedigaeth â chymorth
- os bydd angen cymorth ar y babi i symud o'r wain
- os bydd pryderon amdanoch chi neu'r babi
- os byddwch chi’n rhy flinedig
- os na fyddwch chi’n gallu gwthio, weithiau oherwydd epidwral dwys
Fel gydag unrhyw ymyrraeth feddygol, cewch chi wrthod genedigaeth â chymorth. Dylech chi drafod a chytuno ar enedigaeth â chymorth bob amser cyn penderfynu arni.