Gwasanaeth Adsefydlu Seiciatrig

Ar draws Bwrdd Iechyd Prifysgol Cwm Taf Morgannwg, mae tair uned cleifion mewnol, sy’n darparu adferiad ac adsefydlu Iechyd Meddwl mewn lleoliad cleifion mewnol. Caiff yr unedau eu staffio gan nyrsys iechyd meddwl cymwys a staff cymorth, sy'n rhan o dîm amlddisgyblaethol ehangach.

Mae ein tîm gofal arbenigol yn cynnig asesiad a chynllunio gofal unigol ar y cyd â'n cleifion. Rydym yn defnyddio nifer o fesurau canlyniadau i fonitro ein perfformiad

Gall unigolion ag anawsterau iechyd meddwl cymhleth a pharhaus sy'n gysylltiedig â lefelau uchel o drallod elwa ar y gwasanaeth hwn.

Mae dwy o'r unedau yn derbyn dynion a menywod. Mae un uned ar gyfer dynion yn unig (Yr Uned Gwella â Chefnogaeth).

Yn gyffredinol, bydd cleifion yn dod atom o wardiau triniaeth yn unedau iechyd meddwl yr ysbytai cyffredinol dosbarth mwy, o amgylcheddau diogel, ac o bryd i'w gilydd o gartref.

Gwneir pob atgyfeiriad i'r gwasanaeth gan weithwyr proffesiynol sydd eisoes yn ymwneud â gofal y person.

Yn gyntaf oll, rydyn ni am roi cryfderau, sgiliau a gallu i’r bobl sy’n defnyddio ein gwasanaeth a sicrhau bod modd iddyn nhw ddefnyddio’r rhain fel sail wrth iddyn nhw gymryd camau tuag at welliant.

Yn dilyn atgyfeiriad gan weithiwr proffesiynol, bydd yr unigolyn yn cael ei drafod yn ein cyfarfod pwynt mynediad sengl. Os yn briodol bydd asesiad yn cael ei drefnu gan ein staff adsefydlu. Yna byddwn ni’n rhoi adborth i’r tîm atgyfeirio a’r unigolyn ynghylch pa mor briodol yw ein gwasanaeth, ac os na fyddwn yn gwneud hynny byddwn yn rhoi argymhellion ar gyfer opsiynau amgen.