Cwestiynau Cyffredin
Beth yw Badger Notes?
Mae ap Badger Notes yn rhoi mynediad diogel i chi i'ch cofnodion mamolaeth unrhyw bryd, o'ch ffôn neu dabled. Gallwch wirio'ch apwyntiadau'n hawdd, gweld canlyniadau eich profion, a darllen nodiadau gan eich tîm gofal pryd bynnag y bo'n gyfleus i chi.
Mae hefyd yn eich helpu i deimlo eich bod yn ymwneud mwy â'ch gofal. Gallwch ddiweddaru eich manylion personol, rhannu eich dewisiadau geni, a gadael adborth, i gyd mewn un lle - heb orfod cadw golwg ar nodiadau papur.
Beth yw prif nodweddion y system?
- Mynediad amser go iawn i wybodaeth: Gallwch weld eich nodiadau mamolaeth, dyddiadau apwyntiadau, a chanlyniadau sgan yn syth ar ôl iddyn nhw gael eu nodi gan fydwragedd neu weithwyr gofal iechyd proffesiynol eraill sy'n gofalu amdanoch.
- Cynllunio Gofal Personol: Gallwch ychwanegu gwybodaeth fel alergeddau, dewisiadau geni, a nodiadau personol yn uniongyrchol i'ch cofnod. Gall gweithwyr iechyd proffesiynol rannu gwybodaeth bwysig gyda chi, yn seiliedig ar eich anghenion yn ystod beichiogrwydd, genedigaeth a'r cyfnod ôl-enedigol.
- Cyfathrebu Gwell: Yn caniatáu gwell ymgysylltu â'ch timau gofal a gall hwyluso anfon adborth am apwyntiadau a phrofiadau gofal.
- Nodweddion Defnyddiol: Mae'r ap yn rhoi trosolwg wythnosol o feichiogrwydd, cipolwg ar ddatblygiad babanod, a gall gofnodi cofnodion dyddiadur personol.
- Gwell diogelwch a sicrwydd: Mae eich gwybodaeth wedi'i storio'n ddiogel ac mae angen manylion mewngofnodi penodol ar gyfer hynny – yn union fel bancio ar-lein.
- Cymorth i fydwragedd: Mae defnyddio'r ap yn gwneud gwell defnydd o amser y rhai sy'n gofalu amdanoch chi drwy leihau'r angen i nodi data i systemau electronig a nodiadau papur.
- Gwybodaeth bersonol: Gallwch dderbyn gwybodaeth, canllawiau ac adnoddau wedi'u teilwra a argymhellir gan eich bydwragedd.
- Mae'r ap yn gweithio fel cofnod digidol cynhwysfawr sy'n cyd-fynd ag unigolion o feichiogrwydd hyd at y cyfnod ôl-enedigol.
Beth yw'r manteision?
- Gellir rhannu gwybodaeth gyda chi'n uniongyrchol o'r system famolaeth
- Gellir diweddaru cofnodion yn hawdd ym mhob ymweliad neu apwyntiad mamolaeth
- Nid oes rhaid i fydwragedd ddyblygu gwybodaeth ar nodiadau llaw papur
- Dim ond y rhai sydd â'r manylion mewngofnodi cywir all gael mynediad at y nodiadau
- Gallwch ychwanegu gwybodaeth am y pethau canlynol:
- Chi'ch hun, fel eich swydd ac unrhyw alergeddau. Gallwch drafod hyn gyda'ch bydwraig yn eich apwyntiad trefnu
- Eich cynlluniau a'ch dewisiadau ar gyfer rhoi genedigaeth
- Adborth ynghylch eich profiadau gofal cyn-geni, esgor a genedigaeth.
Pa mor ddiogel yw Badger Notes?
Mae'r holl wybodaeth yn cael ei chadw'n ddiogel ac ni ellir cael mynediad ati heb y manylion mewngofnodi cywir (yn debyg i fancio ar-lein).
Mae Badger Notes yn cael ei bweru gan BadgerNet, yr un platfform diogel a ddefnyddir gan y gweithwyr gofal iechyd proffesiynol sy'n ymwneud â'ch gofal mamolaeth.
Sut alla i lawrlwytho Badger Notes?
Gallwch lawrlwytho ap Badger Notes o'r App Store neu Google Play, neu ymweld â www.badgernotes.net.
Crëwch eich cyfrif gan ddefnyddio'ch cyfeiriad e-bost a chyfrinair sy’n cael ei rhoi i chi gan eich bydwraig. Ar ôl cofrestru, byddwch yn derbyn cod dilysu drwy neges destun. Rhowch y cod a chrëwch eich cyfrinair unigryw.
Gallwch ddiweddaru eich manylion mewngofnodi unrhyw bryd gan ddefnyddio'r ddewislen proffil. Ni all bydwragedd newid eich manylion ar ôl i chi fewngofnodi.
Os ydych chi'n defnyddio ap symudol, bydd gofyn i chi greu cod PIN i gael mynediad cyflym i'r ap ar ôl mewngofnodi.
Nid oes gen i fynediad at ffôn / dyfais ddigidol, beth sy'n digwydd nawr?
Os na allwch gael mynediad at eich nodiadau drwy ffôn neu ddyfais ddigidol, yna siaradwch â'ch bydwraig / gweithiwr gofal iechyd proffesiynol a fydd yn sicrhau eich bod yn cael eich cefnogi gyda nodiadau papur.
Ydy cael yr ap Badger Notes yn golygu nad ydw i'n cario unrhyw nodiadau papur mwyach?
Efallai y bydd rhai achosion lle byddwn yn gofyn i chi gario ychydig bach o bapur mewn ffeil ond bydd y tîm sy'n gofalu amdanoch yn trafod hyn gyda chi.
Archwiliwch yr ap:
https://www.youtube.com/watch?v=cM1xDmEnWys
Angen rhagor o wybodaeth a chymorth?
Ewch i'r ddolen ganlynol: