Beth yw Epilepsi?

Ffeithiau allweddol

• Mae epilepsi yn gyflwr a all achosi ffitiau rheolaidd. Felly nid yw cael un ffit fel arfer yn golygu bod gan eich plentyn Epilepsi.  

• Gall epilepsi ddechrau ar unrhyw oedran ac mae gwahanol fathau o ffitiau. 

Mae'r fideo hwn o Epilepsy Action yn esbonio beth yw epilepsi, sut mae'n cael ei ddiagnosio, sut mae ffitiau yn edrych a sbardunau: 

Beth i'w wneud os bydd eich plentyn yn cael ffit 

Os yw'ch plentyn wedi profi ei ffit cyntaf nad yw'n cael ei ystyried yn ‘ffit wres' (tymheredd uchel), bydd yr adnodd canlynol gan y Coleg Brenhinol Pediatreg ac Iechyd Plant wedi'i gynllunio ar gyfer rhieni a gofalwyr yn rhoi gwybodaeth allweddol i chi gan gynnwys cymorth cyntaf following_a_first_seizure_without_fever_in_cyp_parent_a4_2019_v1.2.pdf

EPILEPSY ACTION-CARE FIRST AID LEAFLET-A4.indd 

Clinig Epilepsi 

Mae gennym nifer o glinigau gwahanol sy'n cael eu rhedeg gan ein tîm arbenigol.  

Yn y clinigau hyn mae'r plant a'r bobl ifanc sy'n profi episodau tebyg i ffitiau yn cael eu gweld ar gyfer asesiad cychwynnol neu asesiad dilynol. Os oes gan eich plentyn apwyntiad yn un o'r clinigau hyn, bydd yr Ymgynghorydd yn gofyn llawer o gwestiynau am yr episodau y mae eich plentyn yn eu profi. Mae'n ddefnyddiol cael cyfrif y tyst, cadw dyddiadur o'r digwyddiadau a cheisio recordio'r episodau ar eich ffôn pan fo'n bosibl. 

Mae cleifion yn cael eu gweld yn rheolaidd i fonitro meddyginiaeth epilepsi, amlder ffitiau, triniaethau a materion ehangach am epilepsi mewn bywyd bob dydd. 

Clinigau dros y ffôn 

Mae clinigau dros y ffôn yn glinigau dilynol i gleifion drafod: 

• Canlyniadau archwiliadau 

• Adolygiad meddyginiaeth a newidiadau 

• Datrys problemau cwestiynau/ymholiadau

• Cefnogaeth barhaus 

Clinig dan arweiniad Nyrsys 

Mae'r clinigau hyn yn cael eu rhedeg gan nyrsys arbenigol epilepsi paediatrig i ddarparu: 

• Addysg a Hyfforddiant

• Cyngor iechyd a diogelwch

• Sefydlu cynlluniau gofal i gynnwys cynllun argyfwng