Gyfarfod: Ysbyty Maesteg & Canolfan Iechyd a Lles Cwm Llynfi (10 Mawrth 2026)

Cofnod o Gyfarfod | Ysbyty Maesteg / Canolfan Iechyd a Lles Cwm Llynfi

10 Mawrth 2026

Presenoldeb

Cynrychiolwyr Cwm Taf Morgannwg (BIP CTM):
- Jonathan Morgan, Cadeirydd
- Paul Mears, Prif Weithredwr
- Claire Thompson, Cyfarwyddwr Gweithredol Strategaeth a Thrawsnewid
- Dale Stolzenberg, Cyfarwyddwr Cynorthwyol Trawsnewid
Cynrychiolwyr Etholedig Lleol:
- Y Cynghorydd Paul Davies
- Y Cynghorydd Malcolm James
- Y Cynghorydd Martin Hughes
Cynrychiolwyr Cyngor Bwrdeistref Sirol Pen-y-bont ar Ogwr:
- Y Cynghorydd Jon Spanswick, Arweinydd
- Y Cynghorydd Jane Gebbie, Is-Lywydd / Aelod Cabinet dros Wasanaethau Cymdeithasol, Iechyd a Lles
- Y Cynghorydd Neelo Farr, Aelod Cabinet dros Adfywio, Datblygu Economaidd a Thai
- Claire Marchant, Cyfarwyddwr Corfforaethol – Gwasanaethau Cymdeithasol a Llesiant

Ymddiheuriadau wedi'u Derbyn
- Huw Irranca-Davies MS
- Y Cynghorydd Chris Davies
- Y Cynghorydd Philip Jenkins
- Y Cynghorydd Ross Thomas (hefyd yn gwasanaethu fel Cadeirydd Cynghrair Cyfeillion Ysbyty Maesteg)
- Y Cynghorydd Richard Collins

Yr hyn a drafodwyd

Amlinellodd BIP CTM y sefyllfa bresennol ynghylch darparu gwasanaethau iechyd a lles yng Nghwm Llynfi, Ysbyty Cymunedol Maesteg a datblygiad canolfan iechyd a lles.

Nododd BIP CTM fod papur briffio am ddarpariaeth gwelyau cymunedol, darpariaeth cartrefi gofal a gwasanaethau Ysbyty yn y Cartref yn ardal Pen-y-bont ar Ogwr ar gael i'w rhannu, ynghyd â'r cofnodion cyfarfod hyn.

Mae Partneriaid y Gadwyn Gyflenwi ar hyn o bryd yn cynnal gweithgareddau dylunio nad ydynt yn benodol i safle, gan gynnwys datblygu ymhellach syniadau ar gyfer y mannau ar gyfer gwasanaethau iechyd ac awdurdod lleol, yn ogystal â gweithgareddau arolygu safle parhaus yn y safle amgen ar Heol Ewenni, Maesteg. Nid yw'r gweithgaredd parhaus hwn yn golygu bod unrhyw benderfyniad ar leoliad canolfan iechyd a lles yng Nghwm Llynfi wedi ei wneud, ond bydd yn golygu y gallwn fod yn fwy hyderus am y wybodaeth sydd ar gael cyn cymryd penderfyniad. Ni fydd unrhyw benderfyniad yn cael ei wneud tan ar ôl etholiad y Senedd ym Mai 2026.

Bydd BIP CTM yn sicrhau bod gwybodaeth yr astudiaeth dichonolrwtdd ar gyfer y dewisiadau dan ystyriaeth, gan gynnwys Ysbyty Maesteg a'r safle amgen ar Heol Ewenni, ar gael i'r cyhoedd cyn i unrhyw benderfyniad gael ei wneud.

Nododd BIP CTM y bydd Llais (corff statudol annibynnol, a sefydlwyd gan Lywodraeth Cymru i sicrhau bod barn a phrofiadau unigolion yn cael eu hystyried yn y ddarpariaeth o wasanaethau iechyd a lles) yn cynnal ei ddigwyddiad adborth ei hun ar gyfer pobl leol yn Neuadd y Dref Maesteg ar 26 Mawrth 2026. Bydd y digwyddiad yn ystyried dyfodol gwasanaethau iechyd a lles yng Nghwm Llynfi.

Bydd Llais yn darparu adborth i BIP CTM, a bydd yr adborth hwn yn sail ar gyfer ymgysylltiad pellach gyda'r gymuned. Bydd y cyfnod cyn yr etholiadau yn dechrau ar 8 Ebrill 2026 ac felly ni fydd unrhyw ymgysylltiad yn digwydd o hynny ymlaen tan ar ôl etholiad y Senedd, sy'n digwydd ar 7 Mai 2026.

Materion a Godwyd gan Gynrychiolwyr Lleol

Cododd y cynghorwyr y newidiadau / y ddarpariaeth o wasanaethau ehangach yn BIP CTM o fewn Sir Pen-y-bont ar Ogwr, a chadarnhaodd CBSP a BIP CTM eu hymrwymiad i weithio gyda'i gilydd i ddarparu gwasanaethau o ansawdd uchel, hygyrch i bobl leol.
Holodd y cynghorwyr a allai staff BIP CTM fynychu'r digwyddiad gan Llais ar 26 Mawrth 2026. Cadarnhaodd BIP CTM fod modd i staff fynychu os ydynt yn dymuno.
Holodd y cynghorwyr am fformat digwyddiad Llais, a chytunodd BIP CTM i ofyn i Llais egluro hynny yn gyhoeddus.

Camau Nesaf

BIP CTM i rannu'r canlynol gyda Chynghorwyr ac ar wefan Dyfodol Iach Maesteg er tryloywder llwyr:
- Cofnodion Cyfarfod o 10 Mawrth 2026
- Papur briffio am ddarpariaeth gwelyau cymunedol, darpariaeth cartrefi gofal a gwasanaethau Ysbyty yn y Cartref ym Mwrdeistref Sirol Pen-y-bont ar Ogwr.
BIP CTM i ofyn i Llais gadarnhau'n gyhoeddus y fformat ar gyfer ei ddigwyddiad adborth cymunedol Ddydd Iau 26 Mawrth 2026