TAFLEN WYBODAETH I ATGYFEIRIWYR
Bydd Canolfan Awen yn rhoi cymorth i unigolion yn ardal Rhondda Cynon Taf a Merthyr Tudful, sydd â phroblemau niwrolegol parhaus, naill ai o ganlyniad i gyflwr sy'n gysylltiedig ag iechyd neu anaf newydd i'r pen.
EIN NOD
Bydd y gwasanaeth yn canolbwyntio ar gefnogi unigolion i wneud y gorau o'u gweithrediad seicolegol a gwybyddol.
ANAWSTERAU NIWROLEGOL YSGAFN I GYMEDROL
Mae Canolfan Awen yn diffinio symptomau neu gyflyrau niwrolegol ysgafn i gymedrol, fel anabledd nad oes
angen mewnbwn amlddisgyblaethol i gefnogi nodau adsefydlu. Mae'r diffiniad hwn yn caniatáu i ni ganolbwyntio
ar anghenion, i fod yn draws-ddiagnostig ac i ganolbwyntio ar hyrwyddo hunan-effeithiolrwydd ac ymreolaeth.
MEINI PRAWF ATGYFEIRIO
Byddwn yn derbyn:
- Anhawster niwrolegol caffaeledig ysgafn i gymedrol fel yr aseswyd gan feddyg
- Cyflyrau niwrolegol nad ydynt yn gwaethygu neu sy'n gymharol sefydlog
- Materion seicolegol neu wybyddol sy'n gysylltiedig â'r cyflwr niwrolegol
- Rhaid bod yn barod i weithio ar nodau penodol o fewn terfyn amser er mwyn hyrwyddo
ymreolaeth/annibyniaeth gweithredol - Rhaid i unigolion allu mynychu clinig, grwpiau a/neu weithgareddau cymunedol
- Rhaid bod yn drigolion ardaloedd Rhondda Cynon Taf neu Ferthyr Tudful sy'n byw yn y gymuned
- Rhaid bod yn 18+ oed a rhaid cydsynio i'r atgyfeiriad
Nid allwn dderbyn:
- Anaf cymedrol i ddifrifol i'r ymennydd neu anabledd niwrolegol sydd angen cymorth amlddisgyblaethol
- Cyflyrau lle rhagwelir dirywiad gweithredol cynyddol gydag anghenion cymorth a gofal
amlddisgyblaethol cynyddol - Cyflwr llinyn asgwrn y cefn neu nerf ymylol yn unig
- Cyflyrau cynhenid/datblygiadol
- Anghenion ffisiotherapi a therapi iaith a lleferydd yn unig
- Adsefydlu swyddogaethol therapi galwedigaethol, gwaith ar yr aelodau uchaf, deheurwydd, ar gyfer
addasu i'r cartref neu ADLS sylfaenol. - Anghenion iechyd meddwl sy'n gofyn am fewnbwn amlddisgyblaethol neu reoli risg
- Defnydd o sylweddau sy’n rhwystr i ymgysylltu
- Anghenion cymorth sylfaenol nad ydynt yn gysylltiedig â chyflwr niwrolegol
- Rhai sy’n derbyn gwasanaeth gan wasanaethau niwrolegol therapiwtig eraill
- Anhwylderau niwrolegol gweithredol a thiciau
- Cefnogaeth ac eiriolaeth ar gyfer dychwelyd i'r gwaith/addysg yn benodol
- Cefnogaeth gyda thaliadau annibyniaeth personol (PIP) a/neu hawlio budd-daliadau
Derbynnir atgyfeiriadau electronig neu bapur gan:
- Ymgynghorwyr Meddygol
- Meddygon Teulu
- Gweithwyr Proffesiynol Iechyd Cynghreiriol
Anfonwch atgyfeiriadau wedi'u cwblhau at:
CTM.AdranNiwroseicoleg@Wales.NHS.UK
Neu postiwch i: Daria Burton, Parc Iechyd Keir Hardie, Llawr 1af, Uned Ddydd 3, Heol Aberdâr, Merthyr Tudful CF48 1BZ
YNGLŶN AG AWEN
Mae Awen yn dîm bach sy'n cynnwys:
- Seicolegydd Clinigol
- Seicolegydd Cynorthwyol
- Gweinyddwr
YMYRIADAU
Bydd y gwasanaeth yn cynnig amrywiaeth o ymyriadau:
- Asesiad seicolegol, fformiwleiddiad a therapi gyda therfynau amser
- Asesiadau gwybyddol
- Gweithdai seicoaddysgol
Bydd sesiynau therapi yn cael eu cynnig o Barc Iechyd Keir Hardie ym Merthyr Tudful ac Ysbyty Cwm Rhondda.
RHYDDHAU
Bydd rhyddhau yn digwydd:
- Pan fydd nodau wedi'u cyrraedd
- Pan nad oes angen cymorth ar yr unigolyn bellach, nad yw'n ymgysylltu nac yn dewis defnyddio'r
gwasanaeth
Rydym yn croesawu ail-atgyfeiriad ar gyfer unigolion sydd wedi eu ryddhau sydd â nod adsefydlu newydd
ORIAU AGOR Y GWASANAETH
Ein horiau agor yw dydd Llun i dydd Gwener (9am – 5pm).
Y tu allan i'r oriau hyn mae gennym beiriant ateb a gwasanaeth e-bost a fydd yn cael sylw’r diwrnod gwaith nesaf.
Os oes angen sylw meddygol brys neu os yw person yn mewn argyfwng. Cysylltwch â'u Meddyg Teulu cofrestredig neu'r Gwasanaeth Meddyg Teulu y Tu Allan i Oriau.