CWYMPIADAU A RISGIAU
Ydych chi byth yn teimlo'n ansefydlog neu'n poeni am syrthio?
Ydych chi weithiau’n teimlo'n ansefydlog neu'n poeni am syrthio?
Gall cwympiadau ddigwydd ar unrhyw oedran, ond wrth i ni fynd yn hŷn, maen nhw'n fwy tebygol o achosi niwed. Gellir gwneud rhai newidiadau bach i leihau eich risg.
Gwiriwch eich cartref
Gall cadw llygad am beryglon baglu posibl wneud eich tŷ yn lle mwy diogel:
-
Tynnwch rygiau a matiau o'r tŷ.
-
Tynnwch wifrau sy'n llusgo a llanast.
-
Osgowch ddodrefn gwydr sy'n anoddach i'w gweld
-
Gwnewch yn siŵr bod gennych chi ddigon o olau. Gallech osod golau nos wrth y gwely neu oleuadau sy'n cael eu tanio gan symudiadau i'ch helpu i fynd i'r ystafell ymolchi
-
Gwiriwch nad yw gwelyau, cadeiriau a seddi toiled yn rhy uchel/isel.
-
Ystyriwch wisgo cadwyn sy’n gallu galw am help/larwm.
-
Cysylltwch â Gofal a Thrwsio i gael cyngor ar addasu eich cartref.
Rheoli eich meddyginiaethau
-
Gall rhai meddyginiaethau wneud i chi gael pendro neu deimlo’n benwan ac effeithio ar eich cydbwysedd. Os oes gennych unrhyw bryderon neu os ydych yn ei chael yn anodd cymryd y moddion sydd wedi eu rhoi ar bresgripsiwn i chi, siaradwch â'ch meddyg teulu neu Fferyllydd
-
Ceisiwch beidio â cholli eich apwyntiad am adolygiad meddyginiaeth
Gofalu am eich llygaid a'ch clustiau
Mae ein golwg a'n clyw yn newid wrth i ni heneiddio a gall hyn arwain at golli cydbwysedd. Ewch i weld eich optegydd i archebu prawf golwg. Mae’n rhad ac am ddim os ydych chi'n 60 oed a throsodd! Mae llawer o Optegwyr hefyd yn cynnig profion clyw.
BETH ALLWCH CHI EI WNEUD I HELPU I LEIHAU RISGIAU?
Cadw’n heini
Wrth i ni fynd yn hŷn, gallwn golli ein cryfder a'n cydbwysedd. Gall ymarferion i wella cryfder cyhyrau leihau eich risg o syrthio. Rhowch gynnig ar yr ymarferion ar dudalen 10 y llyfryn hwn neu gallwch:
-
Gysylltu ag Age Cymru i ddarganfod pa ddosbarthiadau ymarfer corff sydd ar gael yn eich ardal
Ewch i dudalennau Cymdeithas Siartredig Ffisiotherapi am awgrymiadau ar sut i wella eich cryfder a'ch cydbwysedd
Gofal Personol
Gall mynd i'r toiled yn aml, yn enwedig yn ystod y nos neu ruthro i fynd, gynyddu eich risg o syrthio. Os byddwch chi'n sylwi ar unrhyw newidiadau neu'n poeni am eich gallu i ofalu amdanoch chi'ch hun, cysylltwch â'ch meddyg teulu, byddant yn gallu gwneud asesiad llawn a rhoi cyngor.
Iechyd Traed ac Esgidiau
-
Gwisgwch esgidiau a sliperi sy'n ffitio'n dda, sydd ddim yn llithro i ffwrdd, sydd â chefn a gafael da, ac sy’n cau’n ddiogel
-
Gallwch gysylltu â GIG 111 Cymru i ddod o hyd i Bodiatrydd cofrestredig neu gysylltu ag Age Cymru (gweler uchod) i gael gwybodaeth am wasanaethau torri ewinedd traed.
-
Gwiriwch eich traed am fannau dolurus, ac am unrhyw newidiadau mewn lliw neu gyflwr. Cysylltwch â'ch meddyg teulu os oes gennych unrhyw bryderon.
Gall teulu, ffrindiau a gofalwyr helpu drwy
-
Trafod risgiau cwympo gyda chi'n rheolaidd.
-
Cefnogaeth a mynychu apwyntiadau neu grwpiau ymarfer corff lleol gyda chi
-
Cynorthwyo gyda rheoli meddyginiaeth.
-
Cynnal gwiriadau diogelwch cartref.