AWGRYMIADAU GORAU I ATAL CWYMPIADAU, DIFROD DAN BWYSAU A DADGYFLYRU

Bwyta:

Bwytewch ddeiet amrywiol a chytbwys.

Os ydych chi’n gallu, bwytewch eich prydau bwyd yn eistedd yn y gadair.

Cliriwch eich bwrdd, agorwch ffenestr os yn bosibl, a golchwch eich dwylo.

Gofynnwch i ymwelwyr ddod â byrbrydau os ydyn nhw'n fodlon

Efallai bod cefnogaeth ar gael yn eich cymuned leol.

www.gov.uk/meals-home (Pryd ar Glud)

Cwsg:

Cadwch at eich trefn gysgu gystal ag y gallwch.

Dylech osgoi dyfeisiau electroneg a symbylyddion fel caffein cyn mynd i'r gwely.

Rhowch gynnig ar fyfyrdod neu gerddoriaeth cyn cysgu.

Defnyddiwch blygiau clust.

Diffoddwch y golau wrth ochr y gwely.

Symudwch yn rheolaidd yn ystod y dydd a bwyta deiet iach.

Siaradwch â'ch meddyg neu nyrs am unrhyw broblemau cysgu

Symud:

Rhannwch eich trefn ddyddiol gyda'ch ffrindiau, teulu neu ofalwr.

Os ydych chi'n gallu, golchwch yn yr ystafell ymolchi a gwisgwch.

Os ydych chi’n gallu, sefwch a cherddwch o amgylch eich cartref neu i'r toiled.

Gwnewch symudiadau yn y gadair neu'r gwely (gweler enghreifftiau ar dudalen 10).

Cadwch eich ymennydd yn weithgar trwy ddarllen, siarad ag eraill, gwrando ar gerddoriaeth a gwneud posau.

Maeth

Bwyta'n dda ac yfed digon o ddŵr

Mae'n bwysig gwneud yn siŵr eich bod chi'n bwyta’n dda ac yn yfed digon o hylifau i roi egni i chi. Gall bwyta deiet cytbwys ac amrywiol eich helpu i gael yr holl faetholion sydd eu hangen ar eich corff i aros yn gryf ac yn ddiogel ar eich traed. Gall dadhydradu wneud i chi gael pendro, teimlo’n benysgafn ac weithiau'n ddryslyd.

Dylech osgoi yfed alcohol, gan y gallai ymyrryd â'ch meddyginiaeth ac amharu ar eich cydbwysedd a'ch galluoedd gwybyddol.

Yfwch 6-8 gwydraid o ddŵr y dydd. Efallai y bydd angen mwy arnoch os ydych chi'n sâl neu os yw'r tywydd yn gynnes

Os oes gennych chi ddiffyg chwant bwyd neu os ydych chi'n sylwi eich bod chi'n colli pwysau heb geisio, e.e. sylwi bod eich dillad yn mynd yn fwy llac, siaradwch â'ch meddyg teulu lle gallant eich cefnogi neu eich cyfeirio at Ddeietegydd os oes angen. Gallwch hefyd ddefnyddio'r offeryn hunan-sgrinio hwn i wirio a oes angen rhywfaint o gymorth ychwanegol arnoch.

www.malnutritionselfscreening.org/self-screening

Am ragor o wybodaeth am fwyta deiet cytbwys i helpu i atal cwympiadau ewch i

www.nhsinform.scot/healthy-living/preventing-falls

Bwytwch fwydydd sy'n llawn calsiwm. Am ragor o wybodaeth:

www.bda.uk.com/calcium

Edrychwch ar ôl eich esgyrn

Gall esgyrn cryfach wneud unrhyw anaf sydd gennych yn llawer llai difrifol, gwnewch yn siŵr eich bod chi'n cael digon o fitamin D - Mae'n anodd cael digon ohono o ddeiet a golau haul yn unig felly ystyriwch gymryd atchwanegiad 10 microgram.

Defnyddiwch wiriwr risg i gael gwybod mwy