Rhannwch eich profiadau – siapio dyfodol gofal diabetes

Gall byw gyda diabetes neu ofalu am rywun sydd â diabetes olygu wynebu heriau bob dydd.

Mae Bwrdd Iechyd Prifysgol Cwm Taf Morgannwg yn cynnal tri digwyddiad ymgysylltu diabetes yn ystod mis Mawrth. Bydd y sesiynau cyfeillgar a chynhwysol hyn yn dod â phobl sydd â phrofiad byw o ddiabetes ynghyd â gweithwyr gofal iechyd proffesiynol i gael sgyrsiau agored ac ystyrlon am beth sy’n gwneud gwahaniaeth go iawn o ran gofal diabetes da.

Mae’n gyfle i:

• Rhannu beth mae gofal diabetes da yn ei olygu i chi
• Siarad yn onest am yr heriau a’r rhwystrau rydych yn eu hwynebu
• Helpu i ddylunio gwasanaethau sydd wir yn diwallu eich anghenion
• Dylanwadu ar sut mae gofal diabetes yn cael ei ddarparu ar draws ein rhanbarth

P’un a ydych yn byw gyda Diabetes Math 1, Diabetes Math 2 neu ddiabetes yn ystod beichiogrwydd, yn ofalwr neu’n cefnogi anwylyd, mae eich mewnwelediad yn amhrisiadwy. Drwy rannu eich straeon personol, gallwch helpu i wella gofal diabetes ar gyfer heddiw a chenedlaethau’r dyfodol.

Os oes gennych ddiddordeb mewn mynychu, cofrestrwch gan ddefnyddio’r dolenni yn y poster hwn:

• Dydd Iau 5 Mawrth 2026 18.00 – 20.00 MS Teams
• Dydd Sadwrn 7 Mawrth 2026 10.00 – 12.00 YMA, Pontypridd CF37 4TS
• Dydd Llun 16 Mawrth 2026 14.00 – 16.00 YMA, Pontypridd CF37 4TS

Mae eich barn yn bwysig iawn; gobeithiwn y gallwch ymuno â ni.