Rwyf eisiau dysgu sut i reoli fy arian yn dda
Cwrs Rhad ac Am Ddim i Staff Cwm Taf Morgannwg
- Os hoffech gael help i gael mwy o ddealltwriaeth a hyder wrth reoli eich arian, mae’r Cwrs Affinity – Focus on your Finance yn ymdrin â gwybodaeth am gyllidebu, benthyca, pensiynau, morgeisi, treth, cynilion a buddsoddiadau
- I'r rhai sy'n ymddeol yn fuan, mae'r Cwrs Preparing for Retirement gan Affinity yn eich tywys trwy'r materion ariannol allweddol y bydd angen i chi eu hystyried o bosib.
I gadw lle ar unrhyw un o'r ddau gwrs hyn, anfonwch e-bost at bookings@affinityconnect.org
- Mae cwrs ar-lein Helpwr Arian Couch to Financial Fitness yn gynllun cam wrth gam i feithrin eich hyder wrth ddelio ag arian ac mae ar gael yma Helpwr Arian Couch to Financial Fitness - Money Helper
- Mae yna hefyd gwrs ar-lein sy'n esbonio'r pethau sylfaenol o gwmpas cyflogaeth, deall treth ac yswiriant gwladol, buddion gweithwyr a chynlluniau aberthu cyflog sydd i'w gweld yn Cyflogaeth | Cymorth gyda materion yn ymwneud â chyflogaeth | Helpwr Arian
Cymorth Cyllidebu
- Mae arweiniad ar arbed arian ar filiau cartref a sut i fyw ar gyllideb ar gael yma Cyllidebu | HelpwrArian
- Os ydych chi'n poeni am gostau cynyddol biliau ynni, mae cymorth ar gael yma Beth i'w wneud os ydych chi'n poeni bod eich biliau ynni'n codi | Helpwr Arian
- Mae offeryn cynllunio cyllideb ar-lein rhad ac am ddim i gyfrifo faint o arian sydd gennych yn dod i mewn, ac ar beth rydych yn ei wario, ar gael yma Cynlluniwr Cyllideb | Offeryn cynllunio cyllideb ar-lein rhad ac am ddim | Helpwr Arian
Pan fydd eich amgylchiadau personol yn newid
- Gellir cael cyngor ar-lein ar sut y gall newidiadau mewn bywyd teuluol (e.e. dod yn rhiant / ysgariad / plant yn mynd i'r brifysgol / gofalu am yr henoed ac ati) effeithio ar eich lles ariannol yma Teulu a gofal | Helpwr Arian
Cyngor Pensiynau
- Mae Bwrdd Iechyd Prifysgol Cwm Taf Morgannwg yn gweithredu cynllun sy’n galluogi staff i arbed Treth ac Yswiriant Gwladol ar y £500 cyntaf o Gyngor Ariannol sy’n ymwneud â phensiynau, bob blwyddyn dreth, pan gaiff ei gynnig drwy gynllun aberthu cyflog. Mae rhagor o fanylion ar gael yn Cyngor Pensiynau trwy Aberth Cyflog
- Fel arall mae cyngor pensiynau ar gael yma hefyd Pensiynau ac ymddeoliad | Help gyda phensiynau ac ymddeoliad | Helpwr Arian
Cymorth Lles Ariannol Trwy HSBC
Mae BIP CTM wedi sefydlu partneriaeth â HSBC i gynnig cyfleoedd i’r staff fanteisio ar amrywiaeth o gymorth i'ch helpu i gadw rheolaeth ar eich sefyllfa ariannol ar bob cam. Mae'r rhain yn rhad ac am ddim; does dim rhaid i chi fancio gyda HSBC a dydyn nhw ddim yn gwthio eu cynnyrch eu hunain.
- Gweminarau Lles Ariannol Always On. Gweminarau cyhoeddus 30 neu 60 munud o hyd yw’r rhain sy’n delio â phynciau amrywiol gan gynnwys Cynilion, Cyllidebu, Buddsoddi, Ymdopi â Chostau Byw a Dewisiadau Cynaliadwy. Mae 3 bob diwrnod gwaith. I weld yr amserlen ac i archebu lle i chi’ch hun ar y gweminarau, ewch i Financial Health Check | Financial Fitness Score - HSBC UK
- Adnodd Ffitrwydd Ariannol – gall gwybod pa mor iach yw eich sefyllfa ariannol eich helpu i weithio allan pa gamau sydd angen i chi eu cymryd i gyflawni eich nodau. Gallwch chi gynhyrchu sgôr ffitrwydd ar gyfer sefyllfa ariannol eich cartref allan o 100 trwy ateb ychydig o gwestiynau cyflym. Mae'n cymryd tua 10 munud a fydd e ddim yn effeithio ar eich sgôr credyd mewn unrhyw ffordd. Byddwch chi hefyd yn cael awgrymiadau i'ch helpu i bennu nodau cyraeddadwy er mwyn gwella'ch iechyd ariannol. Gallwch chi ddefnyddio'r adnodd eto yn y dyfodol i weld a yw eich sgôr wedi gwella. I gael mynediad at hwn, ewch i Home | HSBC Financial Fitness
Wrth gofrestru, bydd angen i chi nodi mai Bwrdd Iechyd Prifysgol Cwm Taf Morgannwg yw eich cyflogwr.